[ID0080] GB1 (92r-93r) 92v

4 ¶Tan claro & tan elegante
fue ſu yngenjo Sotil
Que dela hedat pueril
Su defecto non obſtante
allego & paſo auante
Delos preſentes dotores̄
Loando los ſabidores
Tanto eſtudioſo ynfante
5 ¶Quanta fue ſu caridat
digalo aquel mendigante
eſpeluzado & tenblante
Por frio & deſnuedat
Que con dulçe piedat
Proueyolo de ſu manto
negando el njn̄o Santo
al maeſtro la Verdat
6 ¶Quanto fueron agradables
al Senor ſus oraçiones
mueſtran lo las Curaçiones
De dolençias yncurables
mueſtran lo ynumerables
Del enemjgo tocados
Que por el fueron lançados
Dando bozes eſpantables