[ID0074] GB1 (85r-86v) 85r

A la ſyngular virginjdat de nueſtra ſen̄ora
1 ¶Sy yo mj ynſufiçiençia
& baxa jndignjdat
mjro & tu ſantidat
& glorioſo exçelençia
Sen̄ora en cuya preſençia
el çielo todo ſe ynclina
& en qujen la virtud diujna
ençerro ſu paçiençia
2 ¶Qual ſera mj preſunçion
& quanto mj atreujmjento
aviendo Conoſçimjento
De mj pobre Condiçion
& de tu grant̄ perfecçion
Sy te cuydo dar loor
O ſera ſobra de amor
O mengua de diſcreçion