[ID0270] HH1 (395v-400r) 396r

6 Y pues tā poco rrepuna
mi grand inſufiçiēçia
mirādos en ēſta luna
la cūbre q̄ dio fortuna
a vr̄a manifiçēçia
cō oſado coraçon
ofrezco de mi exerçiçio
a vr̄a dominaçion
vn mal trobado ſmō
por ofreçer el ſuiçio
q̄ lo demāda mi ofiçio
comiēça el serm̄n
diziēdo el tema
es mi yugo muy
ſuaue a vnos y
a otros graue
yntoduçiō aue m̄
7 Vn angel falſo rrōçero
cō boz y cara fingida
nçipe muy vdadero
nos fue comienço primero
de toda nr̄a cayda
cuādo a nr̄a madre eua
engan̄o con la mançana
aq̄ſto çieta prueua
los çien mill males q̄l lieua
a cueſtas natura vmana
ſin jamas poder ſer ſana
8 Mas diuinal cōpaſion
proueo tā juſto medio
q̄ cō ſu meſma ynvēçiō
el leuo ſſu puniçion
nos otos nr̄o rremedio
ofreçiēdonos delāte
enbiādonos darriba
otro angel por q̄ cante
otra vgen q̄ ſeſpāte
y tā gran plazer rreçiba
q̄ conſiēta y q̄ conçiba
9 Aſy q̄ la rredençion
del vmano perdimiēto
es vn̄ dulce cançion
q̄ llamā ſſalutaçion
nçipio el ſu çimiēto
porque podiēdo ofreçer
en peſo juſſto ffiel
a muger contra muger
contra el angel luçifer
el arcāgel grauiel
fueſe todo por niuel
10 Seyendo aſy nçipiado
nçipe muy nçipal
el biē cō q̄ fue ſaluado
cuāto mal fizo el pecado
en el linage vmanal
es por çierto gran rrazō
q̄ por esta meſma via
no ſolo nr̄o ſſermon
mas cualqier operaçiō
pōga delāte por guia
la boz del aue maria