[ID0127] ME1 (63r-64v) 64v

11 Dixele non vos matedes
que non ſoiſ vos el primero
nj̄ ſereiſ el poſtrimero
q̄ ſabe del mal q̄ vedes
reſpondio nō curedes
ſen̄or de me conſolar
q̄ mi vida es q̄rellar
cantando ſegund veredes
11-1 Pero ſi te ſiruo ſin arte
ay amor amor aſi
grande cuita de mi
nūca jamas ſe te parte
13 Su cantar ya non ſonaua
ſegund ante nj̄ ſe oya
manifieſto ſe veia
q̄ la muerte lo aq̄xaua
que jamas el non ceſſaua
nj̄ ceſſo con grand q̄branto
eſte dolorido planto
ala ſazon q̄ eſperaua
Fin
14 Pues plazer non puedo aver
el mi querer de grado
morire por non veer
todo mi bien deſſeado.