[ID0288] ML3 (26r) 26r

1 ¶Non punto ſe discordaron
El çielo e naturaleza
Sen̄ora quando criaron
vr̄a plaziente belleza
qujſyeron & demoſtraron
Su magnjfica largueza
Segūd vos proporçionaron
& ornaron de gentileza
2 ¶Despues dela mas çercana
Ala fama en fermoſura
qūs mas divina que vmana
viſto su geſto & figura
vos senora don̄a Juana
Soys la mas gentil catura
de quantas actor esplana
njn poeta en escritura
3 ¶Non ſe piēſen njn peſedes
q̄ vos fablo por amores
mas por que vos mereçedes
muy mas ynſjgnes loores
que amor graçias y mds
tantos tengo de dolores
q̄ sy ſaber lo queredes
plan̄jredes mjs langores
4 ¶Mjren vr̄a conpan̄ja
& veran vr̄a esçelençia
generoſa fidalguja
& gallarda continençia
oneſtad & poliçia
vos aguardan & prudençia
çertas mas vos loaria
Si baſtaſe mj esçiençia
Fynjda
5 ¶Segund vr̄a loçanja
bien vale la consequençia
perdonad por cortesya
la torpe Ruda eloquençia