[ID0127] MN54 (18v-20v) 20r

10 CAtiuo de mi triſtura
ya todos toman eſpanto
E preguntan que uentura
Fue que ma tormenta tanto
11 DIxele non uos quexeys
que non ſoys uos el primiero
nin ſereys el poſtrimero
que poſſea el mal que aueys
Reſpondio me non cureys
ſennor de me conſolar
que mi uida es querelar
Cantando ſegund uereys
12 AMor ſiempre partire
de uos aſſy me quexando
Pues por uos ſeruir loando
ſoy a tiempo de morire
13 EL ya muy poco ſonaua
nyn auezes ſe oya
manifieſto es que ueya
que la muerte lo aquexaua
Pero iamas non ceſſaua
nin ceſſo con grand quebranto
Eſte doloroſo canto
A la ſazon que eſperaua