[ID0500] PN1 (71r-73v) 71r

Eſte dezir en rrespuesta fizo el maeſtro fray diego
de valençia de la orden de ſant
françiſco en rreſpueſta deſte otro dezir &
de ençima que fizo el dicho
miçer françiſco al naſçimento d̄l
rrey nr̄o ſen̄or el qual dezir el dicho
maeſtro fizo por los conſonātes
quel otro Primero E en algunos
lugares rretrato al otro
1 EN ſon de figura dezir lo que es
es vna eſpeçia de fyloſofia
E deſta manera fablaron las leȳs
& todos los poetas en ſu poetria
en tal caſſo creçen & naſçen oy dia
contiendas rroydos & dan̄o muy fato
diziendo algūo yo ſo el q̄ departo
& otro nīguno dezir non ſabria
2 Non ſe quiē ſon̄o por nos ēduzir
vn ſuen̄o muy fondo biē es adeſora
en el meſ de março do ſuele venir
ſoliçito manſo quādo el ſol demora
& faz &gualança en aries do mora
de noches & dias ſȳ mucho tardar
do mas el planeta comiença a rreynr
en la faz primera q̄ es Regidora
3 Auer rroſſas flores en el meſſ nōbrado
nō es marauilla nī prados rrientes
ca el ſol en ariens ya es leuantado
diez grados & mas por ſus aſçēdētes
ſon friaſs las aguas & otras caliētes
ſyguiendo natura que las coſſas guiya
ca ſſy ſſe mezclaſſen cada qal ternia
ſu propia natura con ſus açidēts̄