[ID0542] PN1 (17r-18r) 17r

Eſte dezir fizo fray migir de la orden
de ſant jeronimo capellan del onrrado
ob̄po de ſegouia don juan de tordeſyllas
quādo fyno el dicho ſen̄or Rey
don enrryque en toledo el qual dezir
es muy bien fecho &ſaz fundado ſegūt
lo Requeria el abto ſobr que es
fundado el dicho dezir
1 Al grande padre ſanto & los cardenals̄
arçobiſpos ob̄pos & arçedianos.
& a los patriarchas & colegyales
deanes cabildos & otros çercanos
a frayles & monjes a los hermitan̄os
a ſabios letrados doctores agudos
poetas maeſtros tanbiē a los rrudos
a rrycos a pobres a henfermos & ſanos
2 A todo el mudo en vniuerſal
a enperadores & rreyes infanteS
a duques & condes linaje Real.
maeſtres & cabdilos & mas d̄nātes
alcaldes mirynos & juezes eſtātes
mayores menores que me oyran
a todos los onbres q̄ ſon & ſeran
oyd la mi carta & ſet muy peſantes