[ID0127] PN13 (187v-188r) 188r

9 Amjgo ſegunt pareſçe
el dolor que vos aq̄xa
es alguna q̄ vos dexa
ȳ de vos no ſadoleſçe
Reſpondiome qien padeſçe
cruel guerra por amar
tal cançion deue cantar
jamas pues le perteneſçe
10 catiuo de mjn̄a triſtura
ya todos prendan eſpanto
y preguntad q̄ ventura
es q̄ matormēta tanto
7 non puede ſer al ſabido
Repliq̄ de vr̄o mal
ola cauſa eſpeçial
de q̄ vos fueſtes ferido
Reſpondiome troq̄ olujdo
me fueron aſy ferir
por que me conven dezir
eſte cantar dolorido
8 crueldat & trocamjento
con triſteza me conqiſo
pues me dexa qien me piſo
ȳa noſe amparamjento
11 dixele non vos matedes
ca no ſoȳs vos el pimero
nj̄ ſereys el poſtrimero
q̄ ſabran el mal q̄ avedes
Reſpondiome nō curedes
ſen̄or de me conſejar
q̄ mj vida es q̄rellar
cantando ſegūt veredes
11-1 por te ſerujr ſyn arte
ay amor. ay amor
grant̄ cuyta & grāt dolor
nunca jamas ſe me parte
13 Su cantar ȳa no ſonaua
com̄o dante nj̄ ſe oȳa
manjfieſto ſe veya
q̄la muerte lo afincaua
ca jamas nūca çeſaua
njn çeſo con grāt q̄brāto
eſte doloroſo canto
q̄ en̄ſte modo cantaua
Fyn
14 pues plazer nō poſo aver
amj conuen q̄rer de grado
ſera morir mas no ver
perder el mj bien cuytado