[ID0059] PN8 (178r-178v) 178r

El ſexto ſoneto el auctor fabla e dize que lagua faze lo ſenyal
en la piedra eque ave viſto deſpues de grand guerra grand
pas e quel bien ny mal duran mas que ſu trebaio nūca
ceſſa e dize aſſy meſmo que ſi ſu ſenyora le quere q̄
dezir que ella non le ha culpa en el trabaio que paſſa
que fara el alordenança de arriba conujene aſaber
de los fados alos quales njnguno delos mortales nō
pueden fazer reſiſtencia
1 ¶El agua blanda en la pedra dura
Faze por curſo del tiempo ſenyal
E la rueda rodante la ventura
Tranſmuda e truecha del geno humanal
Pazes he viſto apres grand rotura
Atarde dura bien nyn faze mal
Mas la my pena jamas ha folgura
Nyn punto ceſſa my langor mortal