[ID1723] SA10A (59r-63r) 59r

&otro dezir que fizo per guj
llen sobre amor eſtando en las sa
ljnas de atençia en vn valle q̄ se
dize el val de parayſo
1 ala ora q̄ tarquyno
aſayo su fantaſya
rretraydo q del camjno
q̄ prueva tal osadja
quādo por curſo venja
muy çercana el avrora
despues dela qualq̄rya
mercuryo Reynar ſu ora
¶conparaçiō
2 la tynjebla tan escura
byen ſe yrya ala ſazō
como quādo ala figura
se moſtro en rrevelaçiō
al gran çeſar de la tr̄r̄a
de apensar el coraçon
dio las cavſas dela guerra
¶ynvocaçiō
3 tu me ſeas faborable
jupyter porq̄ publjque
vn caſo tan memorable
eſus fuerças notifique
tu favor aquy se apljque
e de viçios me rreserva
porq̄ el caſo puryfique
con la graçia de mjnerva
4 en rreposo mys ſentidos
rretrayda alteraçiō
daq̄l suen̄o convençidos
crymynoſo adoçion?
syguyēdo ſu operaçiō
fortuna como no cese
me trovo la discrycion
y mādo q̄ la syguyese
¶conparaçiō
5 ya leyſtes por q̄ via
a deyana desperto
en la ysla q̄ djrya
por ovidjo se nonbro
& con ſus manos tento
porel lecho tan desyerto
detal guyſa tryſte yo
demj ſuen̄o fuy despierto
6 e penſe sy rresiſtiese
al querer desordenado
e caſo q̄ me fingiese
rretraer de ſu mandado
deſeo favoryzado
con voluntad de cōſuna
del ser todo y apryvado
me fizo seguyr fortuna
¶conparaçiō
7 Lo qual quyero q̄ proçeda
delas fadas tres ermanas
q̄ aq̄lla fija de leda
al naçer tovo cercanas
porq̄ las duen̄as troyanas
sy metas en tan grā duelo
q sabynas nyn tebanas
non planjerō con tal zelo