[ID0127] VM1 (17v-19r) 18v

9 AMigo ſegund pareſçe
La dolor que uos aquexa
es alguna que uos dexa
que deuos non ſe adoleſçe
Reſpondio me quien padeſce
Cruel plaga por amar
Tal cancion deue cantar
Iamas pues le perteneſce
10 CAtiuo de mi ſtritura
ya todos toman eſpanto
E preguntan que uentura
Fue que ma tormenta tanto
11 DIxele non uos quexeis
que non ſoys uos el primiero
nin ſereys el poſtrimero
que poſſea el mal que aueys
Reſpondiome non cureys
ſennor de me conſolar
que mi uida es querelar
Cantando ſegund uereys
12 AMor ſiempre partire
de uos aſſy me quexando
Pues por uos ſeruir loando
ſoy atiempo de morire