Dutton Corpus

LB2 Contents

Related witnesses for LB2-104

 
[ID0345]LB2-104(126r-127r)(5x8)

deſpedimiento de Lope deztunyga

De mi bien tanto amada
qual en el mundo jamas
non fue viſta ni fallada
que fueſſe tanto ni mas
5pues deſconoçeys aſſi
quien vos ſiruio bien amando
Sobre mi vos di
muy cumplido mando
Quito vos mas obediencia
10e doctada ſeñoria
con toda la reuerencia
que como ſieruo deuia
pues que mereces ya vos
de todo punto perder
15como perdio luçifer
toda la gloria de dios
Quito vos mi penſamento
que penſar en vos no pueda
pues vuestro mereçimiento
20de todo punto lo vieda
lo que mas me peſa es
que por coplas vos loe
de coſas que çierto ſe
que ſon todas al Reues
25Otroſſi mi voluntat
quito de vuestra priſion
& torno mi libertat
a ſu franca poſſeſſion
mas en vos que de mi quexo
30mis lagrimas e paſſion
e por final concluſion
de todo punto vos dexo

por fin

Yo vos doy carta de quita
e vos dat a mi por quito
35yt ſantigoada e bendita
e dexat a mi bendito
nunca mas mi coraçon
ſo vuestra mano terneys
por ende ſeſo fareys
40en buſcar otro garçon