Dutton Corpus

LB2 Contents

Related witnesses for LB2-115

 
[ID2243]LB2-115(5, 3x9)

Santafe

Señora fablar querria
mas he miedo de errar
aſſi meſmo el callar
Si mi mal non vos dezia
5matar mia
Vna vez he yo fablado
quamor me fizo ſallir
e no ſe ſi el Repetir
vos fue ſeñora deſgrado
10callare como forçado
que mi plazer es fablar
mas del todo yo callar
Si mi mal no vos dezia
matar mia
15No ſe ſi tomaſtes grado
en mi razon e ſabor
o comporte por valor
moſtraſtes al tribulado
eſte penſar tan penſado
20faze mi lengoa turbar
Empero mucho callar
Si mi mal no vos dizia
matar mia
Comoquiere lo paſſado
25vaya mal queret valer
qui vos teme de perder
non ſe pierda deſdenyado
maguer vos e vuestro eſtado
me mandan mudo eſtar
30amor dize quel callar
Si mi mal no vos dezia
matar mia