Dutton Corpus

LB2 Contents

Related witnesses for LB2-8

[ID2154]LB2-8(27v-28r)(4, 3x8)

Otra

Mis oios por que miraſtes
tal beldat y fermoſura
morireys con gran triſtura
ſin ver lo que deſeaſtes
5 Veredes que crueza
fizo aqueſta ſeñora
desque vi ſu gran belleza
viuo en pena faſtagora
maldita fue la ora
10que miraſtes tal beldat
que por ſu gran crueldat
mis oios vos hos mataſtes
O que muerte morireys
tan cruel e dolorida
15pues vos da tal deſpedida
la que jamas no vereys
Si penſays que tornareys
al mundo por bien amar
quieraſe vos recordar
20de las penas que paſſaſtes
Amadores tomat exemplo
en mi triſte ſin ventura
que muero con gran tormento
por ſeruir a tal figura
25pues fue eſta mi ventura
que obiſtes de padeſcer
queretvos adoleſcer
los que lealmente amaſtes