Dutton Corpus

LB2 Contents

Related witnesses for LB2-90

 
[ID2232]LB2-90(98r-99r)(4x13)

pere torrella \ (Al margen derecho).

Ceſſen ya de ſer loadas
Si auiſadas
todas las donas biuientes
oluidenſe las paſſadas
5ſin penſar en las vinientes
a vos mis triſtes amores
ſe den los grandes renonbres
e quiten los amadores
a Sus amigas los nombres
10de meiores
que vos venida nel mundo
fazeys ſu nombre ſegundo
en loores
Comoquiere que de vos yo
15Siempre no
Cobre por fin de repueſta
de quien penſays vos que ſo
dezit non ſoys vos aqueſta
Creed que vn tal conoçimiento
20deſden no puede ſobrar
los bienes que de vos ſiento
me fuerçan a vos amar
e conſiento
que la ſperança de vos
25vale mas quaver par dios
otras Ciento
Dezid querreys vos mi bien
e de quien
Sere yo toda mi vida
30la muerte que por mi bien
trihumphe de ſu venida
E no por dios piedat
conſentit que vuestro biua
la vida ſin libertat
35Solamente por que os ſirua
la qual ſi por vos no fueſſe Falta un verso.
hauria que ſe perdieſſe
voluntat
Si como dante Solia
40fueſſe mia
aqueſta vuestra (vida#) mi bida
yo por mi bien conſentria
fueſſe del mundo partida
mas vuestra ſer conoçiendo
45detengo la fin de aquella
e yo meſmo vos queriendo
cumplire vuestra querella
feneçiendo
vet pues qual mandays que ſea
50que qual de vos ſe deſea
ſer entiendo