Dutton Corpus

LB2 Contents

Related witnesses for LB2-l6

[ID2162]LB2-l6(4, 3x8)

Otra

Oios de la mi Señora
y vos que avedes
por que vos abaxades
quando me veedes
5Vuestro lindo pareçer
y fermoſura
a mi fazen padeçer
muy gran triſtura
o muy linda criatura
10que gozedes
vsareys de la meſura
que deuedes
Si quereys ſer ſabidora
de mi mal
15vos ſoys la cauſadora
deſigual
ſi vuestra merçet me val
conoçeredes
vn ſeruidor muy leal
20quen mi tenedes
En tal grado van mis males
padeçiendo
y mis penas deſiguales
paciendo(!)
25que ya triſte no defiendo
que ordenedes
mas mis oios maldiziendo
lloraredes