Dutton Corpus

LB3 Contents

Related witnesses for LB3-52

[ID2734]LB3-52(113v)(8, 4)

¶a Ruy diaz de mendoça por le mando dar hueſpedes yendo a la guerra

En todas distrezas mas biuo que brasa
quien viçios y menguas y males Repuna
primero ſe fizo la guerra en mi caſa
que ſe prinçipiaſe la guerra moruna
5pues ſi le tocan de las maldiçioneſ
echadas por boca de padre y de aguelo
al triſte que tiene dolor de Riñones
mandalle que duerma carona del ſuelo
Y mas que las guerras que fueron paſadas
10las quales nos ponen los miedos preſenteſ
quedaron mis fijas arrechas calientes
agora reſçelo non queden paradas