Dutton Corpus

ME1 Contents

Related witnesses for ME1-28

 
[ID2329]ME1-28(4x10, 6)

Joan de mena cordoues poeta ſapientiſſimo

Mas clara que non la luna
ſola vna
en el mundo voſ naçiſtes
tan gentil que non oviſtes
5nin cognoſciſtes
competidora ninguna
deſde niñeza en la cuna
cobraſteſ fama e beldad
con mucha gracioſidad
10que vos doto la fortuna
Aſi vos organizo
y formo
(que#:l)a compoſition humana
que vos ſoiſ la mas loçana
15y ſoberana
que la natura crio
quien ſi non vos mereçio
en virtudes ſer monarca
quanto bien dicho el petrarca
20por vos lo profetizo
Voſ vedeſ como “las roſas [ID8420 Refrán]
Voſ vedeſ como “las roſas [ID8420 Refrán]
deleitoſas
ſe terminan de las çarças”
25y los cueruos de las garças
e picaças
los adobes de las losas
y lo blanco de los(!) prieto
y lo ſimple de lo diſcreto
30aſi eſ vuestro geſto neto
entre todas las fermoſas
Quien vos dio tanto lugar
de robar
la fermoſura del mundo
35es vn miſterio ſegundo
e profundo
bien eſ de marauillar
el valer que vos valeiſ
ma(!) vna falta teneis
40la qual poco cognoſçeiſ
que vos fazeis deſſear

Fin

Señora quered mandar
perdonar
a mi que poder teneis
45pues que ſegund mereçeiſ
y valeis
yo non vos ſupe loar

El resto del folio en blanco.