Dutton Corpus

MH1 Contents

Related witnesses for MH1-176

[ID0444]MH1-176(337v)(4, 2x8)

¶otras de manuel de guzman

¶Donzella ſi por amarvos
omezillo me tenes
non ſe que pena dares
a quien cudiçia enojarvos
5¶mientra me pude ſofrir
a vos mi pena çeſe
Recordar que bien penſe
ya podervosla encubrir
agora por ſuplicarvos
10donzella que me mandes
he ſentido que queres
matarme por mas vengarvos
¶Dios que vos fizo fermoſa
mas que perſona ninguna
15vos faga de mi fortuna
algunt tanto piadoſa
ya pues non queraes moſtrarvos
tan cruel como ſoles
pues por pena que me deſ
20jamas podre oluidarvos