Dutton Corpus

MH1 Contents

Related witnesses for MH1-20

 
[ID0293]MH1-20(89v-90r)(4x8, 4)

¶otro dezir del marques

¶Caliope ſe leuante
& con la farpa dorfeo
y uueſtras uirtudes cante
dona de gentil aſeo
5que yo fablo & ſobreſeo
& mi lengua non ſe atreue
a uos loar quanto deue
Viſto en uos lo que ueo
¶fortuna non diſcrepante
10a ſabia naturaleza
tales dos uueſtro ſenblante
fabricaron ſin pereza
de ſu perfeta belleza
con uoluntad muy ſinçera
15uenus uos fizo heredera
& palas de ſu deſtreza
¶Pues diana concordante
quiſo ſer en uos obrar
& como dieſtro mediante
20penſo de uos procurar
oneſtad que numerar
tal uirtud non ſe podria
pues ytion con alegria
uos dexo ſu buen fablar
25¶De claridad emicante
aurora doctar uos quiſo
ca biuo ſol corruſcante
es çentro del uueſtro uiſo
la gentil fija de (#:N)iſo
30del Rey de creta enartada
nunca fue tan adonada
nin tan fermoſo narçiſo
ffinida
¶ueſtro angelico viſo
35Por çierto non deue nada
al que la ſanta enbaxada
Deſçendio del paraiſo