Dutton Corpus

MH1 Contents

Related witnesses for MH1-226

[ID0490]MH1-226(354r)(4, 2x8)

¶Coplas de juan de dueñas

ſeñora mi coraçon
ſyn eſperança te ama
per tu grand valer y fama
cabſa de mi perdiçion
5tu eres mi perdiçion
pues biuo ſyn confiança
de aquella dulçe folgança
que de amor es galardon
la qual tu grand diſcriçion
10apartar faze de mi
y la voluntad que es en ty
me da plazer y paſyon
dame plazer y paſyon
el plazer por que eres buena
15la paſion por la grand pena
que eſpero toda ſazon
triſte deſeſperaçion
es la mia en deſear
lo que no deuo alcançar
20nin lo conſyente Razon