Dutton Corpus

MH1 Contents

Related witnesses for MH1-239

[ID0503]MH1-239(4, 3x8)

¶Eſte dezir fizo don moſe çerujano del Rey donenrrique quando naſçio el Rey nuestro ſeñor en laçibdat de toro

¶la eſtrella es naſçida
en caſtilla Reluziente
con plazer toda la gente
Roguemos por la ſu vida
5¶de dios fue muy virtuoſo
aquel dia ſin dudança
en cobrar tal alegrança
deſte Rey tan poderoſo
por merçed del pauoroſo
10eſte ſeñor que cobraſte
caſtilla que deſeaſte
noble Rey & generoſo
¶de Reyes de tal natura
çierto en toda partida
15de Realeza conplida
non naſçio tal criatura
con beldad & fermoſura
non es viſto en lo poblado
nin tan bien auenturado
20dios le de buena ventura
¶en aragon & catalueña
tendera la ſu eſpada
con la ſu Real meſnada
nauarra con la gaſcueña
25tremera con grand vergueña
el Reyno de portogal
& granada otro que tal
faſta alliende la çerdena

Nota a la izquierda: otro dezir al naçimiento del Rey fizo miçer françiſco inperial eſta a cccclxi fojas. Véase MH1-267, ID0532.