Dutton Corpus

MH1 Contents

Related witnesses for MH1-240

[ID0504]MH1-240(364r)(3x8)

¶pregunta que fizo fernan perez deguzman quando el Rey don enrrique aparto de ſucorte al condeſtable viejo & priuaua en ſu lugar el cardenal deſpaña

¶tiren el clauo & ande la Rueda
que ya ſu firmeza non es Razonable
ſenblante non faga vn punto ſer queda
& mezcle ventura ſin pleito durable
5& ſane con bueltas la llaga incurable
alegre los triſtes con ſus mudamientos
que ſi non han eſta calma acorro de vientos
pareſçera la nao fundida en el ſable
¶el Rodar non çeſe jamas del eſpera
10& mude los tienpos en quexoſa ſuerte
non ſe faga eſtable lo que de ante non era
que mudar coſtunbre a par es de muerte
quier manſa quier leda entre nos apuerte
aqueſta fortuna ſin calma enbiada
15en tal que non biua ſienpre ſoſegada
cras ſera manſa la que oy vino fuerte
¶plaziendo a fortuna ſin toda tardança
abiertas ſeran las puertas de jano
aquel que mas vſa de buena ordenança
20ſera obedeſçido del pueblo Romano
& los que cayeron en el tienpo llano
ſeran enſalçados fortuna corriendo
& diran los malos pues fueren cayendo
“viva quien vençe lo al todo es vano” [ID8555 Refrán]
25“viva quien vençe lo al todo es vano” [ID8555 Refrán]