Dutton Corpus

MH1 Contents

Related witnesses for MH1-241

[ID0505 R 0504]MH1-241(4x8)

¶Reſpueſta de françiſco inperial a eſta pregunta con ſus conſonantes

¶Non ay braço tan luengo que pueda
alcançar tan alto nin mano baſtable
a tirar el clauo por que ande la Rueda
ſi non el que la fizo que non es palpable.
5& nin aprouecha nin es Razonable
a llaga incurable ponerle vnguentos
nin a naue que tiene abiertos conuentos
que mejor que vientos eſ anclas & cable
¶ſi jamas non çeſa como lo que era
10& es & ſera verna la ſu muerte
por ende pareſçe que muy mejor fuera
pedir que tornarſe & firmarſe fuerte
maguer que eſta dueña nunca ſe convierte
a vuestro querer nin preſçia el eſpada
15linaje nin seſo mucho çelada
buelue ſu Rueda & curſa en la ſuerte
¶ſſy aqueſta dueña boluiendo ſu dança
abre las puertas de jano trojano
bien creo ſyn dubda que gran alegrança
20ſe ſeguira al pueblo arriano
& por tanto amigo que ſe da en plano
“vnde non abetis” que ſegund veo veyendo [ID8735 Cita]
pena cayendo & muerte deçiendo
por ende el medio es lugar muy ſano
25ffinida
“De mas alto Cae quien mal alto ſee.” [ID8424
aqueſto vos añado por vn corrilayo Refrán]
ſegund Cada año nuestra viſta vee
las flores de abril ſecarſe en el mayo
30por ende mas breue que veloçe Rayo
paſo & paſa & avn paſara
& lo que fue ſienpre es & avn ſera
“el cuidar es como el del vayo” [ID8013 Refrán]
“el cuidar es como el del vayo” [ID8013 Refrán]