Dutton Corpus

MH1 Contents

Related witnesses for MH1-244

[ID0508]MH1-244(2x8,26x2)

¶otro dezir

¶pregunto por qual Razon
de doze años la mugier
engendra & non el varon
engendra ſin quinze auer
5& deſpues de çinquenta ſer
ella non puede enpreñar
& puede el onbre engendrar
ſienpre en quanto beuier
¶& como deſque conçibe
10la madre ſu criatura
en quarenta dias Reſçibe
ſi varon es el alma pura
la henbra ſegunt letura
non faſta ochentauo dia
15& deſpues mas aina cria
ella quel he dubda eſcura
¶& como el bien dura
el mal ſi faſta abiniçio
¶& por que el mejor ofiçio
20es en poder de Rapazes
¶& por que eſtraga ſolazes
la pobreza donde mora
¶& por que ſe vſa agora
el tractar Cabteloſo
25¶& por que fecho valioſo
de pobre no es Reputado
¶& por que es al Rico dado
grand fauor por rrica coſa
¶& por que es codiçioſa
30la ganançia ſin trabajo
¶& por que non veo atajo
que vayan por caridad
¶& por que en quantidad
los onbres todos ſon locos
35¶& por que vençen los pocos
vezeſ ay a los muchos
¶& por que “a los que ſon duchos [ID8312 Refrán]
¶& por que “a los que ſon duchos [ID8312 Refrán]
de mal poco bien abaſta”
40¶& por que tan ſueldo gaſta
en traeres cada vno
¶& por que coſa es ninguno
omne ſin libertad
¶& por que con neſçedad
45vezes ay el torpe medra
¶& por que Razon deſmedra
el diſcreto bien ſeruiendo
¶& por que vno dormiendo
alcança mucha Riqueza
50¶& por que otro pobreza
ha ſienpre bien trabajando
¶& por que van oluidando
las proezas ſegund ante
¶& por que al ynorante
55faze ſabio el fauor
¶& por que el diſfauor
al cuerdo torna ſer loco
¶& por que vale muy poco
el bueno ſi ha pobreza
60 ¶& por que de fortaleza
ſe coſtunbra Renegar
¶& por que de bien vſar
la mentira preualeçe
¶& por que verdad pereſçe
65& el mundo es tan dañado
¶& por que es oluidado
bien fazer a quien lo ſirue
¶& por que los que deſiruen
medran mas que los leales