Dutton Corpus

MH1 Contents

Related witnesses for MH1-49

 
[ID0314]MH1-49(110v)(3, 3x7)

¶otra#[cancion]

¶quanto mas vos miraran
muy excelente prinçeſa
tanto mas vos loaran
¶quien vos vera çiertamente
5non dudara ſi venis
de la Real flor de lis
viſto vuestro continente
a todos nos bendiran
por leuar tan gentil preſa
10los que non Reſçibiran
¶yo dubdo poder loar
la vuestra mucha cordura
honeſtad gracia & meſura
quanto ſe deue enſalçar
15los que verdad fablaran
tal nauarra nin françeſa
nunca vieron nin veran
¶tanta vida vos de dios
prinçeſa de grant virtud
20tantos bienes & ſalud
quantos mereſçedes vos
ca çertas por vos diran
virtuoſa ſin Repreſa
los que vos conoſçeran