Dutton Corpus

MH1 Contents

Related witnesses for MH1-51

 
[ID0316]MH1-51(111r)(3, 3x7)

¶otra#[cancion]

¶Dios vos faga virtuoſa
Reyna bienauenturada
quanto vos fizo fermoſa
¶Dios vos fizo ſin emienda
5la gentil perſona & cara
& ſu mando ſin contienda
qual otro non vos pintara
fizovos mas generoſa
digna de ſer coronada
10& Reyna muy poderoſa
¶Siempre la virtud fuyo
a la eſtrema fealdad
& creemos ſe fallo
en conpaña de beldad
15pues non es queſtion dubdoſa
ſer vos ſu propia morada
yluſtre Reyna famoſa
¶pues loen con grant femençia
los Reynos donde naſçiſtes
20la vuestra mucha exçelençia
& grant onor que les diſtes
& la tal graçia graçioſa
por dios a vos otorgada
gentil Reyna valeroſa