Dutton Corpus

MN15 Contents

Related witnesses for MN15-13

 
[ID0447]MN15-13(4, 4x10)

Cantiga de Macias para ſu amiga

Señora en que fiança
he por cierto sin dubdança
tu non ayas por vengança
mi triſtura
5En ti adoro agora
E todavia
de todo leal talante
miembrate de mi señora
por cortesia
10e siempre te venga emiente
e non dexes tu seruiente
perder por oluidança
e tu faras buen eſtança
e mesura
15Non por mi merecimiento
que a ti lo manda
mas por tu merced complida
duelete del perdimiento
en que anda
20en auentura mi vida
fas que non sea perdida
en ti mi eſperança
pues que toda mi nenbrança
es tu figura
25Non se lugar tan forte
que me defenda
de la tu muy gran beldad
en ti traygo yo la morte
sin contenda
30si me non val tu bondad
e por que eſto es verdad
ay amor en rremembrança
en meu cor tengo tu lança
de amargura
35Aqueſta lança sin falla
ay coytado
non me la dieron del muro
nin la prise yo en batalla
mal pecado
40mas veniendo a ti seguro
amor falso e perjuro
me firio e sin tardança
e fue tal la mi andança
sin ventura