Dutton Corpus

MN20 Contents

Related witnesses for MN20-6

[ID4291]MN20-6(273r)(10, 8, 9, 5)
Çerca del alua quando eſtan
en paz ſegura
las aves cantando el berne
paſſando con grand afan
5a la ventura
por vna Rybera verde
oy loar con meſura
vn gayo dentre las flores
calandrias y Ruyſeñores
10por eſſa meſma fygura
Et en ſon de alabança
dezia vn diſcor
ſervid al ſeñor
pobres de andança
15y yo por locura
cante por amores
pobre de fauores
mas no de triſtura
Y por mas que dezia
20no me Reſpondia
y deſque entendia
ſer entendida
la mi triſte via
no pude ſofrir
25de no les dezir
mi gran turbaçion
por eſta cançion
Et por los mas atraher
a me querer rreſponder
30en ſeñal de alegria
cantava con grande afan
la antygua cançion mia: