Dutton Corpus

MN24 Contents

Related witnesses for MN24-22

[ID3340]MN24-22(13r-13v)(4, 2x8)

¶Cançion

¶Amor me manda dezir
temor me faze callar
& con eſte debatir
nunca çeſa mi penar
5¶Sienpre creſçen mis tormentos
con la dicha deuiſion
que contrarios penſamientos
afligen el coraçon
no vos oſo Requerir
10con temor del Replicar
& con eſte debatir
nunca çeſa mi penar
¶Con el dolor ynvmano
que padeſco ſyn ynfinta
15mill vezes toma mi mano
la pluma con negra tinta
para mi mal eſcreuir
mas no oſa començar
& con eſte debatir
20nunca çeſa mi penar