Dutton Corpus

MN24 Contents

Related witnesses for MN24-49

[ID3353]MN24-49(33v)(3x8...)
(33v)

¶de gomez manrriquequerellas a fortuna

¶No partirme de querervos
por çierto mas que a ninguna
mas apartar me de vervos
quiere mi negra fortuna
5que mis males faſta agora
procuro
e por eſto me vos dio
por ſeñora
¶Eſta vos fizo mas bella
10de quantas yo vi jamas
eſta vos fizo donzella
de las diſcretas la mas
eſta vos dio fermoſura
acabada
15pero fizo vos menguada
de meſura
¶Eſta vos fizo graſçioſa
en ſuperlatiuo grado
mas no punto piadoſa
20por creſçer en mi cuydado
fizo vos entre las buenas
la mas buena
por fazer mayor mi pena
de las penas...

Falta un folio.