Dutton Corpus

MN24 Contents

Related witnesses for MN24-99

[ID3377]MN24-99(147r-148r)(6x8)

¶Otras trobas de gomez manrriquea Juanpoeta quando le catiuaronlos moros de allende

¶Si de vuestra detençion
oue peſar o plazer
vos lo podreys conoçer
judgando por la Razon
5y no por el parenteſco
caronal
por quanto y ſoy çeçial
y vos freſco
¶Poeta vos ſoys nouiçio
10que quiere dezir confeſo
yo ſoy antiguo profeſo
fidalgo deſde abeniçio
pero tengovos amor
y amiſtad
15porque ſoys en la verdad
trobador
¶Trobador ſyn capirote
el mayor de los ebreos
avnque no trobays boleos
20ſaluo las trobas de bote
ſon con deſtral deſbaſtadas
vuestra(↑s) rrimas
y no con ſotiles limas
bien limadas
25¶Y porque “ſon de almazen” [ID9003 Refrán]
¶Y porque “ſon de almazen” [ID9003 Refrán]
vuestras trobas como digo
no vos he por enemigo
mas antes vos quiero bien
30Ca no fazen ningund daño
a las mias
porque ſon grueſas y frias
y deſtaño
¶Y con eſto el ſentimiento
35fue muy grande que ſenti
quando las nueuas oy
de vuestro detenimiento
que maguer proximo nueuo
ſoys amado
40y por trobador famado
de Renueuo
¶y los ſentimientos mios
fueran mezclados con lloros
ſy bien como fueron moros
45vos catiuaran judios
porque como çahareño
que donayre
conoſçierades el ayre
de pequeño