Dutton Corpus

MN44 Contents

Related witnesses for MN44-10

[ID3182]MN44-10(82v)(5, 2x9)

La cançion

¶Obra fue vuestro naſçer
con fermoſura tamaña
que por no darme plazer
a vos quien tanto me daña
5dios me fizo conoſçer
¶Eſto porque la bondad
y gracia con que naſçſites
fue con doble crueldad
con que guerra me feziſtes
10no ſe que quiera querer
pues ver y querer engaña
a mi que ſolo vos ver
es aquello que me daña
ſyn poderme defender
15¶baſtara ya gentileza
ſin eſto que mas cobraſtes
deſamor con eſquiueza
con que mucho mas dañaſtes
a mi que tengo por ver
20ni paſar pena tamaña
pues por no darme plazer
a vos quien tanto me daña
dios me fizo conoſçer