Dutton Corpus

MN44 Contents

Related witnesses for MN44-117

[ID3290]MN44-117(101v)(5, 9)

Cançion de moſſen fernando de la torre

Que fizieſe me mandaſtes
ſeñora vueſtra cançion
mas a quien vos la Robaſtes
ſu pequeña diſcreçion
5que queda ſino paſſion
Que queda ſino peſſar
penſando ſeñora en vos
ved como puede ordenar
ni menos ſeruir a dios
10por ende pues catibaſtes
con beldad en perfecçion
o tornad lo que leuaſtes
o me dad conſolaçion
ſintiendo mi perdiçion