Dutton Corpus

MN44 Contents

Related witnesses for MN44-3

[ID3175]MN44-3(11v-12r)(5, 2x9)

La cançion

¶De vos que ſi(e#)rvo me ſiento
donzella mal comedida
porque nunca en vuestra vida
moſtraſtes vn ſentimiento
5del grande mi perdimiento
¶Auiendo por vos perdido
de mi vida lo mejor
el plazer y el ſentido
y cobrado lo peor
10 dolores y penſamiento
vida triſte y dolorida
porque nunca en vuestra vida
moſtraſte vn ſentimiento
del grande mi perdimiento
15¶Con ſolo vuestro ſenblante
fyngido fuera pagado
que moſtrara ſer peſante
de me ver aſy cuytado
mas vos donzella no miento
20fueſtes tan mal cometida
que jamas en vuestra vida
moſtraſtes vn perd(:ſent)imiento
del grande mi perdimiento