Dutton Corpus

MN44 Contents

Related witnesses for MN44-33

[ID3205]MN44-33(91v-92r)(2x8, 4)

Otro de juan barreta a moſſen fernando de la tore

Buen ſeñor ſegund es fama
que feziſtes pleyteſia
de dexar a vuestra dama
por otra que lo valia
5ſin ſaber lo que tomaſtes
tanto vos quiero dezir
quen dexar lo que dexaſtes
cos deueys aRepentir
¶tan ſolo porque no digan
10de vos los maldezientes
mas vueſtros amores ſigan
a quien dello ſon plazientes
de tal deſconoſçimiento
coſſa no puedo creer
15que vuestro buen ſentimiento
tal ſe dexaſe fazer

El fin

¶Pues es en vueſtro poder
de amar a ſola vna
poned en vueſtro querer
20que no aya viſieſto la luna