Dutton Corpus

MN44 Contents

Related witnesses for MN44-83

[ID3257]MN44-83(96v)(2x8)

¶Moſſen fernando de la torre a françiſco bocanegra

Allende ſeñor pues me mandaſtes
el vueſtro vazio o lleno bolſon
vſſando daquello que no deſuſaſtes
vſad vuestra mano que aya ſazon
5no digo por graçias ni por galardon
daquello que nunca vos mereſçi
mas por que calle vn poco que oy
no digo adonde ni por que Razon
allende de aqueſto queredme dezir
10quien tiene en ſu caſa lo que conbiene
andando en ajenas vſando el poder
con ſolo lo ſuyo no ſe mantiene
qual es la cabſa por queſto ſoſtiene
aquel que continuo a eſto ſe ofreſçe
15y que galardon o pena mereſçe
dezildo ſeñor ſi mal no vos viene