Dutton Corpus

MN44 Contents

Related witnesses for MN44-9

[ID3181]MN44-9(82r-82v)(7, 11, 4)
(82r)

. . . a la qual ſeñora eſte Rondel & cançion faze que vos enbio dezid ſi fizo al propoſito.

El Rondel

(82v)
¶Por fama naſçida
de vuestro buen ſer
a vos entendida
ſyn mas conoſçer
5 amor conoſçido
con todo querer
vos he no fengido
¶Pues eſto ſabido
no fue mi poder
10echar en oluido
el yr vos a ver
por ende ſentida
ſenti el padeſçer
que ſiente mi vida
15por tan vuestro ſer
auiendo dolido
de mi deſplazer
fazedme partido

¶tornada

¶ſy eſto pedido
20queres no fazer
catadme perdido
ſyn mas detener