Dutton Corpus

MN54 Contents

Related witnesses for MN54-111

[ID0608]MN54-111(130v-131r)(4, 3x8)

Villançete

SAliendo de un oliuar
mas fermoſa que arreada
vi ſerrana que tornar
me fiſo de mi iornada
5TOrneme en ſu compannia
Por faldas de una montanna
Supplicando ſilplaſia
de moſtrarme ſu cabanna
dixo non podeys librar
10Sennor aqueſta uegada
que ſuperfluo es demandar
quien non ſuele dar nada
SI lealtad non me acordara
de la mas lynda figura
15del todo me enamorara
tanta ui ſu fermoſura
dixe que quereys mandar
Sennora pues ſoys caſada
que uos non quiero enoiar
20nin offender mi enamorada
REplico yd en buen hora
non cures de amar uillana
Pues ſeruis a tal ſennora
non troques ſeda por lana
25nin querays de mi burlar
pues ſabeys que ſo enaienada
vi ſerrana que tornar
me fizo de mi iornada