Dutton Corpus

MN54 Contents

Related witnesses for MN54-120

 
[ID0618]MN54-120(136v-137r)(4, 3x8)

Caruaiales

A la princepſa de roſano

Entre ſeſa et cintura
caçando por la trauieſa
Tope dama que deheſa
pareſcia en ſu fermoſura
5PEnſe que fueſe diana
que caçaſſe las ſilueſtraſ
O aquella quella mançana
gano a las biuas nueſtraſ
Soys humana criatura
10dixe et dixo non con prieſſa
Si ſennor et principeſſa
de roſano por uentura
O Flor de toda belleza
o templo de honeſtidat
15palacio de gentileza
fundamiento de bondat
mi ſententia uos condena
que ſi en aquel templo de baris
uos fallara lynfante paris
20non fuera robada elena
NIn de berſabe dauid
non ſe dexara uençer
nin uſrias tornara en lid
por ſus dias feneſcer
25tanto ſoys de gracia llena
que ſi iuntas uos mirara
muy menos ſe enamorara
archiles de poliçena