Dutton Corpus

MN54 Contents

Related witnesses for MN54-21

 
[ID0023]MN54-21(40v)(3x8, 4)

Suero de Ribera.

ADio adios alegria
Ora dezir me conuiene
mal aya ſennora mia
quien aſy nos deſauiene
5Por el dios que nos mantiene
nunca yo uos fize yerro
mas “quien mal quiere a ſu perro [ID+8022 Refrán]
Rauia le pone que non tiene”
ADios adios pues de mananna(!)
10me ponen tal maleficio
quexarme de uos con ſanna
eſto non fago con uicio
ay de mi mal beneficio
me guardaſtes faſta agora
15tan grand crueſa de mora
nunca fue den(!) ab inicio.
ADios adios tan en uano
es loar a quien ſolia
E grand plazer ſoberano
20por quien yo tanto ualia
ſin cometter uillania
dizen que dixe uileſa
Adios adios gentileza
que tomar quiero otra uia.

Fyn

25Avnque dizen que porfia
uençe la naturaleza
Adios adios gentileza
mal aya quien mas confia