Dutton Corpus

MN54 Contents

Related witnesses for MN54-75

 
[ID0573]MN54-75(102r-103r)(5x8, 4)

Otra ſuya

SEñora mal cabo ayan
los ſeruicios que uos fize
Los quales aun mas decayan
que non uueſtra boca dize
5Si deſque uos eſcogi
ſobre todas por ſennora
nunca mis offertas di
a ninguna faſta agora
SEnnora mi gran deſeo
10non ſe compla nin ſe acabe
Si de quantas ui nin ueo
ay ninguna que ſe alabe
que ningund tiempo me uieſe
trocado de como ſo
15Porque ella deſir pudieſe
deſte ſoy amada yo
SEnnora tan ſyn repoſo
biua io por luengos dias
Como biue el enuidioſo
20que pena por muchas uias
Si nunca por penſamiento
nin por obra uos erre
Pues por que tanto tormento
al que non fizo por que
25Aqueſta uueſtra ſoſpecha
non uiene de buena parte
nin me days cauſa der(↑e)cha
que preſuma ſer ſyn arte
antes me faſeys penſar
30lo que non es por mi grado
que uos me quereys dexar
O quiça me aueys dexado
SI uos queres que aſy ſea
faſedlo fermoſamente
35eſcuſemos la pelea
faſiendo buen continente
non querays que deſatine
Con rauia de lo que ſe
que por ende por do uine
40Por alli me tornare

fyn

SEnnora yo me conuine
con dolor que de uos he
Para que çedo yo fine
del dolor que paſſare