Dutton Corpus

MN6b Contents

Related witnesses for MN6b-60

 
[ID0063]MN6b-60(1x14)

En eſte deçimo soneto el actor enojad.. de la tardançaque los de la parte suya fazian .. cometer a la otra enestos delictos de castill..... dize que fiera castinocon la lança aguda... la otra parte por que mueua las gentes a bata....&en estecastino fue aquel que primeramente f....en las gentes de ponpeo ca era el de< lap.... de çeſar en la batalla de vmnaçia

...era caſtino con aguda lança
la temeroſa gente ponpeana
.. cometiente las mas vezes gana
.. vyrtuoso nuze la tardança
5..aso nos mueue & çierta esperança
.. el alferez de mueſtra vandera
.. juſtiçia patrona & delantera
.. vos conduze con grand ordenança
..ecuerdevos la vida que beuides
10..a qual yo llamo ymagen de muerte
.. tantas menguas sean vos delante
..ensad las cabsas por que las sofrides
Ca en vuestra espada es la buena ſuerte
.. los honores del Carro triunfante