Dutton Corpus

MN8 Contents

Related witnesses for MN8-68

[ID3424]MN8-68(198r)(1x14)

Otro soneto quel marques fizo amonestando a losgrandes prinçipes a tornar sobre el dañode constantinopla

Forço la fortaleza de golias
con los tres nonbres juntos con el nonbre
del que se quiso por nos fazer onbre
e de infinito mortal e mexias
5el pastor cuyo carmen todos dias
la santa esposa non çessa cantando
e durara tan lexos fasta quando
sera victoria a enoch e a helias
pues vos los Reyes los emperadores
10quantos el santo crisma resçebistes
sentides por ventura los clamores
que de visançio por letras oystes
enxemplo sea a tantos señores
las gentes de sion si los leystes.