Dutton Corpus

MN8 Contents

Related witnesses for MN8-97

[ID3432]MN8-97(215v-216r)(4, 4x8)

Serrana

por todos estos pinares
nin en naua la gamella
non vi serrana mas uella
que menga de manzanares
5desçendiendol yelmo a yuso
contral boualo tirando
en ese valle de suso
vi serrana estar cantando
saluela segunt es vso
10e dixe serrana estando
oyendo yo non mescuso
de fazer lo que mandares
Respondiome con uffana
bien vengades cauallero
15quien vos traye de mañana
por este valle señero
ca por toda aquesta llana
yo non dexo andar baquero
nin pastora nin serrana
20sino pasqual de bustares
Pero ya pues la uentura
por aqui vos ha traydo
conbiene en toda figura
sin ningun otro partido
25que me dedes la çintura
o entremos a bras partido
ca dentro en esta espesura
vos quiero luchar dos pares
desque vi que non podia
30partirme dalli sin saña
como aquel que non sabia
de luchar arte ni maña
con muy grant malenconia
armele tal guardamaña
35que cayo con su porfia
çerca dunos tomellares.