Dutton Corpus

MP3 Contents

Related witnesses for MP3-21

[ID3332]MP3-21(31-32)(31-32)

¶Apartamiento ¶De gomez manrrique

¶Con vuestra merçed quedo
la mayor parte de mi
& deſpues que me parti
nunca tomo plazer no
5antes biuo tan penado
que mi vida
ſera preſto feneçida
con cuydado
¶Con el cuydado que ſiento
10mi vida feneçera
la cauſa deſto ſera
el continuo penſamiento
con que biuo por eſtar
lexos de vos
15ſeñora que fizo dios
tan ſingular
¶Tan ſingular en belleza
por mi mal fuſtes naçida
que tengo por vos perdida
20mi libertad & franqueza
& tanbien rrobo mi fe
vuestro mirar
la qual ſienpre por guardar
yo trabaje

Fyn

25¶E faziendo fin dire
eſte cantar
ſeñora de vos amar
no partire