Dutton Corpus

MP3 Contents

Related witnesses for MP3-28

[ID3339]MP3-28(36-37)(36-37)

¶Cançion

¶Yo parto con gran querella
de quien por çierto no ſe
de mi por que vos ame
ſi de vos gentil donzella
5¶Que ſi yo no vos amara
& tanto bien no quiſiera
nin vuestro mal me penara
nin vueſtro bien me pluguiera
avnque vos fuſtes tan bella
10quel amar forçado fue
aſi que me quexare
de vos & de mi donzella
(37)
¶Quexarme de mi & de vos
& tanbien de mi ventura
15& ſi oſaſe de dios
que tal vos dio fermoſura
para que fueſſe por ella
penado como ſere
de todos me quexare
20por vuestra cauſa donzella