Dutton Corpus

MP3 Contents

Related witnesses for MP3-30

[ID3340]MP3-30(37-38)(37-38)

¶Cançion

¶Amor me manda dezir
temor me faze callar
& con eſte debatir
nunca çeſa mi penar
(38)
5¶Sienpre creçen mis tormentos
con la dicha diuiſion
que contrarios penſamientos
afligen el coraçon
no vos oſo rrequerir
10con temor del rreplicar
& con eſte debatir
nunca çeſa mi penar
¶Con el dolor ynumano
que padezco ſin infinta
15mil vezes toma mi mano
la pluma con negra tinta
para mi mal eſcreuir
mas no oſa començar
& con eſte debatir
20ſienpre creçe mi penar