Dutton Corpus

MP3 Contents

Related witnesses for MP3-59

[ID3355]MP3-59(93-94)(93-94)
(94)

¶eſtrenas al ſeñor conde de paredes ſu hermano ¶De gomez manrrique

¶Noble conde mi ſeñor
entre los buenos famado
mas que todos eſforçado
de otro mayor eſtado
5ſin duda mereçedor
tal vos de dios alegria
en los años que verrnan
que quantos mal vos querran
mueran de malenconia
10¶Deuos el ſeñor del mundo
tantos bienes tenporales
quantos a dado de males
& trabajos deſiguales
a vos el buen çid ſegundo
15& depues de larga vida
bien & con plazer gaſtada
el vos de la fin onrrada
& con ſus ſantos cabida